XVII MOSTRA de CURTAMETRAXES 2017. Días 20, 21 e 22 de decembro ás 19 h.

Participa e Difunde!
XVII MOSTRA de CURTAMETRAXES 2017

20, 21 e 22 de decembro de 2017 ás 19 h. no #AteneoFerrolán



Facemos un chamamento a todas as persoas que queiran participar nestas xornadas, nos acheguen os seus traballos de menos de 20’, preferentemente en lingua galega acompañado dunha ficha cumprimentada cos datos da curta e do director antes do día 1 de decembro para poder engadilos ao programa deste ano.

Normalmente recibimos as curtas a traverso da plataforma vimeo. Se utilizas esta plataforma, necesitamos saber a ligazón á curta máis o contrasinal para poder acceder a ela e coa opción "Descarga" habilitada para que nós a poidamos descargar. Pero tamén estamos totalmente abertos a calquera outro método que utilices (outra plataforma calquera ou se xa está público, a ligazón para poder collelo). Tamén aceptamos correo ordinario ao enderezo físico da nosa entidade.



Os días 20, 21 e 22 de decembro de 2017, levarase a cabo a XVII MOSTRA DE CURTAMETRAXES, comezadas no ano 2001 con grande interese do público en xeral.



A Mostra de Curtametraxes do Ateneo nace en 2001 coma un espazo de difusión da cultura cinematográfica en formato curto, para abrir unha fiestra cara ese cinema local e internacional de calidade a cotío vetado ao gran público. Como lembranza do que foron estas xornadas ao longo destes dezasete anos de andadura dicir que na nosa programación priman as curtas galegas e en galego pero que tamén damos paso para coñecer outros autores a nivel internacional.



Nestes días amosaremos curtametraxes e creacións de cineastas, case que sempre noveis, e con especial atención aos cineastas galegos e galegas en especial.



O OBXECTIVO é dar a coñecer a un público amplo a calidade e variedade das curtametraxes, sobre todo das galegas. Estas xornadas están a converterse nun referente, por ser un esforzo realizado para divulgar a produción de curtametraxes, que en moitos casos fica agochada. Trátase de acceder a unha parte do audiovisual que atesoura gran calidade.



PROGRAMA XVII MOSTRA DE CURTAS DO ATENEO FERROLÁN 2017

Día 1 - Mércores 20 de decembro 19.00 horas
(Duración total da sesión 1h 10 m aproximadamente)

MANDARINAS (4'09'') de Beatriz M. Tabasco
FUMANDO ESPERO (14') de jJ. A. Blanco.
PASATEMPS (8'22'') de Ferrán Bex.
LA MADRINA (9'30'') de Pedro Sancho
HUELLAS (13') de Rubén de Marina.
BASURA (5') de Juan Silva
MAELSTRON (3') de Carlos Gómez Trigo.
CIRILO (13'10'') de

Día 2 - Xoves 21 de decembro 19.00 horas
(Duración total da sesión 1h 13m aproximadamente)

LA MUJER DEL ESPEJO (3'40'') de María Barragán.
SONRÍE (3'30'') de Pablo Vara.
PIGMALIÓN (5'15'') de Enrique Bernal.
LA LECCIÓN (13') de Hugo Gómez
DEFUNCIONARIO (17'22'') de Wiro Berriatúa
3 GRAMOS DE FE (14'35'') de José A. Campos
TOC TOC (17') de Daniel Veira

Día 3 - Venres 22 de decembro 19.00 horas
(Duración total da sesión 1h 12m aproximadamente)

MATERIA PRIMA (3'46'') de Natalia Porca
O CARTAZ (3'25'') de Andrés Castro
PLACIDEZ (16') de Luis Miranda
TOMASITO (12') de Ignacio F. Rodó
FRAMED (11') de Mario Pinzón
UN MINUTITO (8') de Javier Macipe
COMA Y BEBA (14') de Jaime Figueroa
(DES)FRAGMENTACIÓN (3'32'') de Luis Miranda




E para os cinéfilos, lembrar que temos tódalas curtas de tódalas edicións na filmoteca 📽️ da

Evento no noso facebook: https://www.facebook.com/events/124500624881854/

 



Ateneo Ferrolán
Rúa Magdalena 202-204
15402 - Ferrol (Galiza)

correo electrónico: secretaria@ateneoferrolan.org

GRAZAS POR PARTICIPAR!

Exposición Colectiva Afouzarte Do 15 de decembro de 2017 ao 12 de xaneiro de 2018


Exposición Colectiva Afouzarte
Do 15 de decembro de 2017 ao 12 de xaneiro de 2018

Afouzarte, a partir do 15 de decembro no Ateneo Ferrolán.
Verónica Fachal, Aida López e Samuel González levan a cabo a exposición Afouzarte, que contará coa participación de distintos colectivos como ASPERGA. O vindeiro día 15 de decembro a partir das 20:00 terá lugar a inauguración de Afouzarte nunha das salas de exposicións do Ateneo Ferrolán. 
Afouzarte, é dicir, dispoñer o espírito que nos leva a actuar sen temor ós perigos ou dificultades, facendo referencia á seguridade que alguén ten en mesmo, é un proxecto que pretende integrar a diferentes persoas ou colectivos no mundo da arte, sen ningún tipo de discriminación.

Comporase dun total de 40 pezas de arte abstracta realizadas por alumnos do CPI Castro Baxoi (Miño), o EEI Fernández Varela (Pobra do Caramiñal), ASPERGA e a Facultade de Belas Artes da Universidade de Vigo. 

Confrontaranse obras de diferentes colectivos xeralmente afastados do mundo artístico xunto con pezas de futuros licenciados en Belas Artes, empregando a arte abstracta como medio de expresión, chegando a converter o proceso pictórico en arte-terapia. Afouzarte enlazará tódalas pezas na sala de exposicións sen ficha técnica, de xeito que o espectador debe intuir o/a autor/a de cada unha das pinturas.


A inauguración contará coa presenza do comisariado da exposición, formado por Verónica Fachal Vázquez, Aida López Fernández e Samuel González Soliño (alumnos da facultade de Belas Artes), e os directores dos centros participantes no evento. 

A exposición terá lugar ata o 12 de xaneiro de 2018.



V Xornadas de AGAMME. Sábado día 16 de decembro de 9 a 14 h.



AGAMME, Asociación Galega contra o Maltrato a Menores celebra a súa V Xornada sobre o  Maltrato á Infancia e á Adolescencia, baixo o título “O sistema de protección de menores de Galiza a análise”. 

O evento terá lugar o vindeiro sábado 16 de decembro no Ateneo Ferrolán, entre as 9:00h e as 14:00h, co obxectivo de poñer sobre a mesa a realidade dos nenos, nenas e adolescentes en situación de acollemento, nas súas distintas modalidades, e analizar cifras e lexislación actualizadas.

O primeiro relatorio correrá a cargo de Fernando Blanco Arce, avogado especialista en dereitos da infancia e membro do Observatorio para a Defensa dos Direitos e das Liberdades Esculca, que falará sobre a lexislación que establece os procementos e as características dos centros de menores. Expoñerá asimesmo a súa experiencia profesional como avogado da quenda de menores e como compoñente de Esculca.

A continuación tomará a palabra María José Alonso Abalde, Presidenta de AGAFEM, Asociación Galega de Acollemento da Familia Extensa do Menor. O seu relatorio versará sobre o traballo que a súa asociación vén realizando así como o punto de vista do colectivo respecto da forma en que se tramitan os acollementos de nenos, nenas e adolescentes en Galiza.

Pechará a rolda de relatorios Ana Mª Fernández Martínez, Doutora pola Universidade de Vigo dentro do programa “Menores en situación de desprotección e conflito social”. Presentará os datos e conclusións da súa tese doutoral a respecto do sistema de acollemento residencial en Galiza.

Á volta dun pequeno receso abrirase un debate no que as persoas relatoras e o público analizarán en común os temas que se trataron na mesa.

No mesmo acto presentarase tamén a exposición “Plántalle cara ao abuso sexual. Rompamos o silencio”, un material didáctico orientado a alumnado de educación secundaria, para a prevención do abuso sexual, que a asociación poñerá a disposición daqueles centros que estean interesados.

Teléfonos de contacto:
Estrela Gómez Viñas: 636142012
Víctor M. López Casal: 616035193
Correo electrónico:

SES asina exemplares do seu novo traballo "Readmirando a condición". Martes 12 ás 19:30 h.




O vindeiro martes 12 de decembro SES estará asinando exemplares do seu novo traballo, "Readmirando a condición" na Biblioteca-Hemeroteca do#AteneoFerrolán, a partir das 19:30 h.



IV Xornadas de Documentación 
«Medios de comunicación social, medios sociais: experiencias»

Os medios de comunicación social nas IV Xornadas de Documentación do Ateneo Ferrolán

Ferrol, 23 de novembro de 2017.— O Ateneo Ferrolán celebrará o xoves 14 e o venres 15 de decembro, a partir das 17.00 horas, na súa sede da rúa Magdalena, as IV Xornadas de Documentación «Medios de comunicación social, medios sociais: experiencias», presididas polo concelleiro de Cultura de Ferrol Suso Basterrechea.

O desenvolvemento das tecnoloxías da información e da comunicación supor un cambio no paradigma comunicativo, configurando un novo sistema de información dos medios convencionais ao incorporar unha nova interacción coa sociedade, unhas novas redes sociais.
A presente voracidade informativa evidencia a importancia do manexo, directa ou indirectamente, das técnicas documentais, e son os profesionais que, grazas a súa formación e as habilidades adquiridas na praxe laboral, fan fronte ao vórtice informativo demandado polas masas.
Polo tanto, achegar á cidadanía a realidade cotiá do traballo das institucións e profesionais dos medios de comunicación social, constitúe a finalidade das IV Xornadas de Documentación do Ateneo Ferrolán.

Presentación das xornadas polo Concelleiro de Cultura, Suso Basterrechea.

O xornalista e director fundacional do Diario de Ferrol Germán Castro Tomé, impartirá a conferencia inaugural baixo o título “Da información de boa fe ao xornalismo documentado”.

Pola súa banda, Marta Corral, xornalista de Ferrol360, disertará sobre o novo xornalismo dixital no eido local.

Para rematar o primeiro día das xornadas, José Pardo Vázquez, fotógrafo, centrará o seu relatorio nas súa experiencia profesional: “Do fotoxornalismo local á fotografía arqueolóxica en Palestina”

Ao día seguinte, a comunicadora da Radio COPE Ferrol, Ada Romero Sixto, abordará “A radio como medio de comunicación social. 50 anos de COPE Ferrol”.

A continuación, Xoán Porto, documentalista, “Memoria e arquivo nos medios sociais”, sobre a crecente importancia de xestionar a información persoal que compartimos de forma pública nas redes sociais centralizadas pertencentes a corporacións privadas como Google, Facebook ou Twitter

Carmen Rial, Arquiveira do Estado, pechará as xornadas cunha charla sobre a visión non oficial da arquivística e os arquivos militares en Twitter.


As XornadasDOC, que son abertas ao público, finalizan cun coloquio moderado por Fernando Rivera, responsable da Biblioteca-Hemeroteca do Ateneo Ferrolán.

O contexto das XornadasDOC

As XornadasDOC do Ateneo Ferrolán teñen entre os seus obxectivos dar visibilidade e comunicar á sociedade a importancia do traballo que realizan as distintas institucións e profesinais no ámbito da arquivística, a biblioteconomía e a documentación.

Máis información


 Máis información no sitio web: http://xornadasdoc.ateneoferrolan.org

Apresentação I Congresso de Decrescimento. Luns 11 de decembro ás 20 h.

Apresentação I Congresso de Decrescimento

Luns 11 de decembro ás 20 h. no #Ateneo


Regulamento.


Introdución: Por que o Decrecemento? E por que no Eo-Navia, Galiza e O Bierzo?


Organización e autoxestión.


Sociedade, valores e eco-feminismo.


Medio ambiente.


Saúde.


Enerxía e transporte en Galiza: razóns para o decrecemento.


Educación.


Alimentación, consumo e economía de proximidade.


Medios de comunicación e cultura.

Exposición Venta "regalArte-Colectiva" . Ate o 4 de xaneiro de 2018.


Exposición Venta "regalArteColectiva" do #Ateneo

ate o 4 de xaneiro de 2018 na salas de exposicións do Ateneo (sala 1)


Agasalla obras dos artistas solidarios (entre outr@s) co Ateneo



Angeles Jorreto, Antón Sobral, Ánxo Alvarez, Carlos Pereira Martínez, Carmela Cagiao Vidal, Carmen Martín Serantes, Carolina Martínez, Delio Sánchez, Eduardo Pereira, Emilio Celeiro, Enrique Castro Piñeiro, Fernando Maceira, Inma Doval, Isabel Pintado, Luis Mazorra, Mª Luisa Rojo-Novais Grandío, María Leal, María Piensos, María Vilanova, Pedro Perico, Raquel Castro Torrado, Rosa Guisán, Spela Trobec, Teresa Candal, Victor Rey Grande

Temos á venta o libro "100 anos Escuela Obrera"




A venta no #AteneoFerrolán o libro “100 anos Escuela Obrera” 
PVP:15 €
¡O Ateneo coa historia de #Ferrol!

Agasalla cultura ferrolá!


“GANDUXANDO VIDAS. Homenaxe a Xaquín Campo Freire”. Xoves 30 de Novembro ás 19,30 h.


O libro de feitura colectiva “GANDUXANDO VIDAS. Homenaxe a Xaquín Campo Freire” presentarase no Ateneo Ferrolán o xoves 30 de Novembro ás 19,30 h.

Club de Prensa de Ferrol comprácese en presentar o libro “GANDUXANDO VIDAS. Homenaxe a Xaquin Campo Freire”, que terá lugar o xoves día 30 de Novembro as 19:30 horas no Ateneo Ferrolán.

Xaquín Campo Freire, nado na terra Chá de Lugo, é un crego que ten desenvolvido en Ferrolterra una labor destacada nos eidos relixioso, social e cultural a quen un grupo de amigos baixo o nome “Ganduxando Vidas”, e con motivo do seu 8º aniversario rendeu unha fermosa homenaxe en forma de libro plural e colectivo. Nel ao través de 191 olladas dende diferentes lugares e condicións, achégasenos a figura humana , relixiosa, e cultural de Xaquín Campo Freire.

Acompañando a Campo Freire, no #AteneoFerrolán estarán Nieves Espiñeira, Carmen Solloso , Xoán Rubia Alejos e Julia Díaz Sixto

Colaboran neste acto: Asoc C. Xermolos; Irmande Manuel María, Ateneo Ferrolán e Club de Prensa de Ferrol.

Exposición Óleos "Sentimentos" de Chechela. Venres día 1 ás 19,30 h.



Exposición Óleos "Sentimentos" de Chechela 
do 1 ao 31 de decembro de 2017

Inauguración o venres día 1 de decembro ás 19,30 h.



Presentación libro de fotografías "VIDAS" de Gabriel Tizón. Mércores 29 ás 20 h.



O mércores día 29 de novembro ás 20 h. no #AteneoFerrolán.

 Gabriel Tizon presenta o seu novo libro de fotografías "VIDAS" 

Presentado por Xaquín Marín

He intentado resumir el trabajo realizado a lo largo de toda mi vida, con una selección de fotografías que considero que son sentimientos convertidos en imágenes de encuentros con miles de personas y lugares. "Vidas" en papel de cientos de personas fotografiadas desde la admiración, recuerdos convertidos en una especie de "foto de mi vida". Un resumen de aquello que me enseña diariamente la fotografía: "Fotografiar como pienso, no como veo".

Related Posts with Thumbnails